Ang Church of Our Lady of the Assumption (Nuestra Señora de la Asuncion), na karaniwang kilala bilang Santa Santa Church ay matatagpuan sa Santa Maria sa lalawigan ng Ilocos Sur, Pilipinas. Ang simbahan ay itinalaga bilang isang UNESCO World Heritage Site noong Disyembre 11, 1993 bilang bahagi ng Baroque Churches ng Pilipinas, isang koleksyon ng apat na Baroque Spanish-era simbahan.
Kinilala ang simbahang ito dahil sa “pambihirang estilong pang-arkitektura na pag-aangkop ng Europeong Baroque sa Filipinas ng mga artisanong Tsino at Filipino.”
Itinayo ang simbahan ng mga paring Agustino. Ang simboryo ay ginawa noong 1810 at natapos makalipas ang isang taón. Ang simbahan at kumbento ay nása itaas ng isang burol kung kaya’t nagbibigay ito ng panoramikong tanawin sa mga karatig-bayan at tabing-dagat. Mayroong mahigit 80 hagdang-bato mula sa paanan ng burol paakyat sa simbahan.
Gaya ng iba pang simbahang itinayo sa panahon ng pananakop ng Espanyol, ang patsada ng Simbahang Santa Maria ay napagigitnaan ng dalawang malalaking haligi at ang buong estruktura ay sinusuportahan ng iba pang matataas at malalapad na mga haliging semento.
Natatangi naman ang mamula-mulang kulay ng simbahan dahil yari ito sa adobe. Nakatayô sa bandang gilid ng simbahan ang nakahiwalay na kampanaryo na yari sa bato at parang isang pagodang Tsino na may patong-patong na hugis oktagonal na papaliit ang sukat pataas. Sa harap naman ng simbahan ay makikita ang kumbento na nakadugtong sa pamamagitan ng tulay na bato. Book your last-minute holiday with Mabuhay Travel, great getaways deal and expert advice.
Mabuhay Travel the leading Filipino travel agent in the UK.
Maraming Salamat Po.
Share
